Auteur
Source
Feuille non référencée. L’orthographe et quelques points de traduction ont été revus.
In djou, su sès grands pîds, z’ an-alout dju n’ sés d’ où,
In héran au grand bètch’, amétchi d’ in lang cô.
I londjout in ruché.
L’owe y ètout clère, coume aux pus bés djous d’ l’ ènaye
Note dgens, la truîte y catônout
Avu lu brotchèt su sosson.
Lu héran binajimèt arout pu z’ a fâre su marèdé :
Il-aprotchint tourtous du bôrd, lu grîche djone n’ avout qu’à s’ bachi ;
Mais il-è cru bin fâre du rawardér
Qu’il-aviche du d’ pus d’apîti.
Ca i viquout d’ règime èt n’ médjout qu’ à heures fixes.
Au tchû d’ in moumèt, la fé lî vint :
T’t-a s’aprotchant d’ la rif’, i voit dès l’ owe
Dès-âblètes qui sortint d’ leû gofe.
Tout ça n’ lî plâjout m’ co tant, pardjè i s’ atèdout à mieu
Èt t’t-a r’wâtant d’ in-air’ nareû
“Mi dit-i, dès-âblètes ? Quu v’léz v’ quu dj’ fiche
D’ eune si pauv’ pateur’ ? Pou qui m’ pèrnéz v’ ? “
L’ âblète vouye, i tcheû su eune roussète
“Eune roussète, çu n’ èst m’ avu ça qu’ lès hérans banqu’tant ! “
Rin n’ lî plajout, rin n’ lî dijout.
Il-è douvri l’ bètch’ co pou bin moins :
Ca i n’ è pu veû d’ pèchan, mi méme in gravlot.
Pardjè, la fé l’ hatchout, i ètout bin binâge du voir’ in lim’çan
Ca i n’ faut m’ ête trop malâgi.
Vormèt, c’ èst co souvèt lès pu coulans lès pu malins.
T’t-a v’lant d’ trop, an s’ contente souvèt du rin.
Texte tel que trouvé
In djou, su ses grand pî, za n’alou dju’n sais d’où
In héran, au grand bètch, amétchi d’in lang cô
Londjou in ruché
L’owe y ètou clairr’, coume au pu bé djou d’l’ènnaïe
Not’ djens la truîte, i catônou
Avu lu brotchet su sosson
Lu héran bi-n’ajimet arou pu za fâr su marèdé
Ta z’aprotchant du bôrd, lu grîche djone n’avou qua’s bachi
Mais i l’est cru bin fâr du rawarder
Qui l’aviche d’ut pu d’apîti
Ca i viquou d’régime, et n’médjou qu’a heûre fixe
Au tchû d’in moumèt,la faî li vin
Ta s’aprotchant dla riff, i voit dè l’owe
Des âblettes qui sortint d’leu goff’
Tout ça n’lî plâjoum co tant, pardjè i s’atèdou a mi-e
Ta rwâtant d’in airr nareu
Mi di-ti, des âblettes quu vlèf’ quutch fich’
D’eune si pauf pateur, pou qui m’pèr n’è ff’
L’ablette vouïe, i tcheu su eune rousette
Eune rousette,su n’èm avu ça qu’les hérans banq’tan
Rin n’lî plajou,rin n’lî dijou
I l’est d’ouvri l’bètch’ co pou bin moin
Ca i n’est pu veû d’péchan,pa même in gravlot
Pardjè, la fé hatchou, èt co bin b’i-n âche du voirr in lim-çan
Ca i-n’ fôm êt’ trop malagi
Vormet, cest co souvèt les pu ficèle, les pu malin
Ta vland’tro,an s’contente souvet du rin